O‘zbekiston Superligasining 1-tur doirasida bo‘lib o‘tgan "Neftchi" - "Qo‘qon-1912" (1:0) jamoalari o‘rtasidagi uchrashuvdan keyingi tashkil etilgan matbuot anjumanida mezmbonlar bosh murabbiyi Ilhom Mo‘mijonov ishtirok etdi.
— Farg‘onalik barcha futbolsevar muxlislarimizni va o‘z shogirdlarimni qo‘lga kiritilgan birinchi g‘alaba bilan tabriklayman.Bu yil oldimizga rahbariyatimiz tomonidan kuchli uchlikka kirish vazifasi qo‘yilgan va bu vazifani bajarishimiz shart. Shu maqsadda o‘quv-yig‘in jarayoniga jamoamizning falsafasiga monand futbolchilarni taklif qilishga harakat qildik va astoydil shug‘ullandik.
Bugungi o‘yinga kelsak, har ikki jamoa ham ehtiyotkorona o‘yin namoyish etdi, deb o‘ylayman. Birinchi bo‘limni yutishimiz kerak edi,chunki yaqqol ikkita golli vaziyatdan unumli foydalana olmadik.Lekin, yakunda baribir g‘alaba qozonishga erishdik.
Jamoamizda hozirgi kunda bir nechta asosiy o‘yinchilarimizda jiddiy jarohatlari bor.Ammo, zaxira tarkibimizdagi futbolchilarimiz ham deyarli bir hil saviyaga ega.
Bugungi raqibimizning tayyorgarlik jarayonidagi o‘tkazgan nazorat o‘yinlarini o‘rganib chiqqan holda o‘yin uslubimizni ishlab chiqdik va shu asosda harakatlandik. Qo‘qon jamoasiga esa keyingi uchrashuvlarda g‘alabalar tilab qolaman, -deydi brsh murabbiy.
