Roman Abramovich «Chelsi»ning sotilishi haqida bayonot berdi.

«OAVda «Chelsi»ga egalik qilishim haqidagi taxminlarga izoh bermoqchiman.

Yuqorida aytganimdek, men har doim klub manfaatini ko‘zlab qarorlar qabul qilganman. Shu bois, hozirgi vaziyatda klubni sotishga qaror qildim, chunki bu klub, muxlislar, xodimlar hamda klub homiylari va hamkorlari manfaatiga to‘g‘ri keladi, deb hisoblayman.

Klubning sotilishi tezlashtirilmaydi, balki belgilangan tartibda amalga oshiriladi. Men qarzlarni qaytarishni so‘ramayman. Men uchun bu har doim biznes yoki pul haqida emas, balki o‘yin va klubga bo‘lgan sof ishtiyoq haqida bo‘lgan.

Bundan tashqari, men o‘z jamoamga savdodan tushgan barcha sof daromadlarni oladigan xayriya jamg‘armasini yaratishni buyurdim. Jamg‘arma Ukrainadagi barcha jabrdiydalarning manfaatlarini ko‘zlab tuziladi. Bu jabrlanganlarning favqulodda va tezkor ehtiyojlarini qondirish uchun mablag‘lar bilan ta’minlash, shuningdek, uzoq muddatli tiklanish sa’y-harakatlarini, qo‘llab-quvvatlashni o‘z ichiga oladi.

Bilingki, bu juda og‘ir qaror edi va shu tarzda klubni tark etish menga og‘riq keltirdi. Biroq, bu klub manfaatlariga mos kelishiga ishonaman.

Umid qilamanki, "Stemford Bridj"ga oxirgi marta tashrif buyurib, barchangiz bilan shaxsan xayrlashaman. «Chelsi»ning bir qismi bo‘lish bir umrlik sharaf edi va men birgalikda erishgan barcha yutuqlarimizdan faxrlanaman. «Chelsi» futbol klubi va uning muxlislari doim mening yuragimda bo‘lishadi”, — dedi Abramovich o‘z bayonotida.