Superliga 1-tur doirasidan o‘rin olgan 2 ta uchrashuvda Video Assistant Referee tizimidan foydalanilmaydigan bo‘ldi.
Avvalroq ilk tur doirasidagi “Bunyodkor” – “So‘g‘diyona” hamda “Metallurg” – AGMK uchrashuvlarida VAR tizimi ishlatilishi rejalashtirilgan edi. Biroq VAR texnologiyalari ishlashi uchun televideniye ko‘chma studiyasi zarur bo‘ladi. Ayni paytda O‘zMTRKga tegishli telestudiyalar boshqa rasmiy tadbirlarda hozir bo‘lishi ko‘zda tutilgani sababli “Bunyodkor” – “So‘g‘diyona” va “Metallurg” – AGMK uchrashuvlarida VAR tizimi ishlatilmaydigan bo‘ldi.
