«Navbahor» yangi mavsumga tayyorgarlik doirasidagi o‘quv-mashg‘ulot yig‘inlarini Namangan va ikki marta Turkiyaning Belek shahrida olib bordi. Mazkur yig‘inlar davomida “lochinlar” kuchli xorij klublariga qarshi ko‘plab nazorat - sinov bahslarini o‘tkazishdi.

"Tarkibdagi o‘zgarishlar borasida to‘xtaladigan bo‘lsak, “Navbahor” safini himoyachilar – Mirzohid G‘ofurov, Ilhomjon Alijonov, Xushnudbek Avilov, yarim himoyachilar – Quvondiq Ro‘ziyev, Kosta Tenorio Guttiner, Ivan Solovyov,  Islombek Isoqjonov, Boyan Naydenov, hujumchilar – Zabihillo O‘rinboyev va Shohruh Mahmudhojiyev tark etishdi. Shuningdek, yarim himoyachilar – Sardor Telyakov va Abbos G‘ulomov boshqa jamoalarga ijaraga berilishdi.

“Navbahor” tarkibiga esa  himoyachilar – Rustamjon Ashurmatov (“Kanvon”, Janubiy Koreya), Yegor Krimes (“Paxtakor”), Stanislav Andreev (“Metallurg”), yarim himoyachilar – Islom Kenjaboyev va Elguja Grigalashvili (ikkalasi “Qizilqum”), Jamshid Boltaboyev (“So‘g‘diyona”), Asadbek Sobirjonov (“Paxtakor”), Nurillo To‘xtasinov (“Bunyodkor”), Jamshid Iskanderov (“Seongnam”, Janubiy Koreya), Yovan Jokich (AGMK), hujumchilar – Zoran Marushich (“Dinamo”, Tbilisi), Andrey Sidorov (“Qo‘qon-1912”) qo‘shilishdi, ya’ni, yangi mavsumda mazkur futbolchilar “lochinlar” sharafini himoya qilishadi.

«Navbahor» bo‘lajak mavsumda Osiyo Chempionlar Ligasi (OCHL) yo‘llanmasini qo‘lga  kiritishni maqsad qilgan", — deyiladi klub matbuot xizmati tarqatgan xabarda.