«Навбаҳор» янги мавсумга тайёргарлик доирасидаги ўқув-машғулот йиғинларини Наманган ва икки марта Туркиянинг Белек шаҳрида олиб борди. Мазкур йиғинлар давомида “лочинлар” кучли хориж клубларига қарши кўплаб назорат - синов баҳсларини ўтказишди.

"Таркибдаги ўзгаришлар борасида тўхталадиган бўлсак, “Навбаҳор” сафини ҳимоячилар – Мирзоҳид Ғофуров, Илҳомжон Алижонов, Хушнудбек Авилов, ярим ҳимоячилар – Қувондиқ Рўзиев, Коста Тенорио Гуттинер, Иван Соловьёв,  Исломбек Исоқжонов, Боян Найденов, ҳужумчилар – Забиҳилло Ўринбоев ва Шоҳруҳ Маҳмудҳожиев тарк этишди. Шунингдек, ярим ҳимоячилар – Сардор Теляков ва Аббос Ғуломов бошқа жамоаларга ижарага берилишди.

“Навбаҳор” таркибига эса  ҳимоячилар – Рустамжон Ашурматов (“Канвон”, Жанубий Корея), Егор Кримец (“Пахтакор”), Станислав Андреев (“Металлург”), ярим ҳимоячилар – Ислом Кенжабоев ва Элгужа Григалашвили (иккаласи “Қизилқум”), Жамшид Болтабоев (“Сўғдиёна”), Асадбек Собиржонов (“Пахтакор”), Нурилло Тўхтасинов (“Бунёдкор”), Жамшид Искандеров (“Сеонгнам”, Жанубий Корея), Йован Жокич (АГМК), ҳужумчилар – Зоран Марушич (“Динамо”, Тбилиси), Андрей Сидоров (“Қўқон-1912”) қўшилишди, яъни, янги мавсумда мазкур футболчилар “лочинлар” шарафини ҳимоя қилишади.

«Навбаҳор» бўлажак мавсумда Осиё Чемпионлар Лигаси (ОЧЛ) йўлланмасини қўлга  киритишни мақсад қилган", — дейилади клуб матбуот хизмати тарқатган хабарда.