Bugun «O‘zbekiston» o‘yingohi anjumanlar zalida «Turon» klubining 2022 yilgi mavsum oldidan rasmiy taqdimot marosimi bo‘lib o‘tdi. Taqdimot marosimida Farg‘ona viloyati futbol assosiasiyasi birinchi vise-prezidenti Nosir Otaqo‘ziyev, O‘zbekiston tumani sportni rivojlantirish bo‘limi boshlig‘i Hakimjon Muhiddinov, klub mutassaddi rahbarlari va boshqa mutasaddi tashkilot vakillari ishtirok etdilar.

Taqdimot marosimining dastlabki qismida so‘zga chiqqan rasmiy shaxslar jamoaga yangi mavsumda omad va zafarlar yor bo‘lishini, 2022 yilgi Pro-liga musobaqalari yakunida chempionlikka erishishlariga tilak bildirgan xolda samimiy dil izhorlarini bildirib o‘tdilar. Shuningdek, taqdimot marosimida jamoa bosh murabbiyi Anvar Berdiyev ham so‘z olib, jamoani qo‘llab-quvvatlab kelayotgan viloyat mutasaddi rahbarlari, xususan Farg‘ona viloyati hokimi Xayrullo Bozorov va viloyat futbol assosiasiyasi birinchi vise-prezidenti Nosir Otaqo‘ziyevga klub nomidan o‘z minnatdorchiligini bildirib o‘tdi. Fan klub raisi Amirullo Sobirov muxlislar hamisha jamoa bilan birga ekani va qo‘llab-quvvatlashlarini, jamoaga yangi mavsumda chempionlik yor bo‘lishiga tilak bildirdi.

Ko‘tarinki ruhda tashkil etilgan taqdimot marosimida jamoaning barcha futbolchilari to‘liq tanishtirildi. Marosim davomida jamoa tomonidan yangi mavsumda foydalaniladigan SALLER brendi ostida liboslar taqdimoti ham o‘tkazildi.

«Turon» matbuot xizmati