FIFA va UYEFA xorijliklarga RPL klublari bilan shartnomalarni bekor qilishga ruxsat berishi mumkin.

Bunday qaror keyingi 7-10 kun ichida qabul qilinishi mumkin. Agar FIFA va UYEFA xorijliklarga RPL klublari bilan shartnomani bir tomonlama bekor qilishga ruxsat bersa, u holda bu futbolchilarning kelajagiga tasir qilmaydi. Ya’ni, futbolchilar jazolanmaydi.

Futbolchilar Rossiya samolyotlari uchun hamon ochiq bo‘lgan Istanbul yoki Belgrad orqali Rossiyani tark etish imkoniyatiga ega bo‘lishlari uchun qaror imkon qadar tezroq qabul qilinishi rejalashtirilgan.

«Rossiyaning birinchi va ikkinchi ligalaridan deyarli 150 nafar futbolchi bunday imkoniyatga ega bo‘lishi haqida menda ma’lumotlar bor. Ular uchun alohida oqibatlar bo‘lmaydi.

Bu rublning qadrsizlanishi, shuningdek, Rossiyaning deyarli barcha klublari davlatga qarashli ekanligi bilan bog‘liq”, — deya Xorvatiya futbol ittifoqidagi manbadan iqtibos keltirgan Jutarnij List nashri.

Ayni paytda Rossiya klublarida Deyan Lovren («Zenit»), Nikola Moro («Dinamo»), Filip Uremovich, Silvi Begich (ikkalasi «Rubin»), Tin Edvai («Lokomotiv»), Daniyel Mishkich («Ural»), Filip Mrzlyak («Ufa») va Zoran Nijich («Axmat») kabi xorvatiyalik futbolchilar to‘p surishmoqda.