«Barselona» prezidenti Joan Laporta Kataloniya klubi Dortmundning «Borussiya» klubi hujumchisi Erlin Xolandni sotib olishiga ishonmoqda, deb xabar beradi Mundo Deportivo.
Manba bergan xabarga ko‘ra, Kataloniya klubi prezidenti 21 yoshli norvegiyalikning agenti Mino Rayola bilan ehtimoliy kelishuvni muhokama qilgan. Laportaning fikricha, «Barselona» hujumchining transferi uchun 150 million yevrodan ko‘proq mablag‘ sarflashi kerak. Laporta hozir bu xarid uchun mablag‘ izlash bilan ovvora.
Qayd etilishicha, klub prezidentining Rayola bilan yaxshi munosabatlari Xolandning Kataloniya klubiga o‘tishi uchun hissa qo‘shishi mumkin. Shu bilan birga, norvegiyalikning transferi «Barsa» to‘laydigan xariddir. Klub qolgan transferlarni erkin agent maqomida amalga oshirishni mo‘ljallamoqda.
Joriy mavsumda Xoland «Borussiya» safida 20 o‘yinda 23 ta gol urdi va 5 ta golli uzatmani amalga oshirdi. Hujumchining Dortmund klubi bilan shartnomasi 2023 yilning 30 iyuniga qadar mo‘ljallangan.
