«Барселона» президенти Жоан Лапорта Каталония клуби Дортмунднинг «Боруссия» клуби ҳужумчиси Эрлин Холандни сотиб олишига ишонмоқда, деб хабар беради Mundo Deportivo.

Манба берган хабарга кўра, Каталония клуби президенти 21 ёшли норвегияликнинг агенти Мино Райола билан эҳтимолий келишувни муҳокама қилган. Лапортанинг фикрича, «Барселона» ҳужумчининг трансфери учун 150 миллион евродан кўпроқ маблағ сарфлаши керак. Лапорта ҳозир бу харид учун маблағ излаш билан оввора.

Қайд этилишича, клуб президентининг Райола билан яхши муносабатлари Холанднинг Каталония клубига ўтиши учун ҳисса қўшиши мумкин. Шу билан бирга, норвегияликнинг трансфери «Барса» тўлайдиган хариддир. Клуб қолган трансферларни эркин агент мақомида амалга оширишни мўлжалламоқда.

Жорий мавсумда Холанд «Боруссия» сафида 20 ўйинда 23 та гол урди ва 5 та голли узатмани амалга оширди. Ҳужумчининг Дортмунд клуби билан шартномаси 2023 йилнинг 30 июнига қадар мўлжалланган.