«Chelsi» afsonasi Jon Terri Konor Makgregorning «ko‘klar»ni sotib olmoqchi ekanligi haqidagi bayonotiga munosabat bildirdi. Terri bu bayonotga aniq baho bermadi, ammo jangchining "Tvitter"da qoldirgan posti ostiga ko‘k yurak belgi qo‘ydi.
Eslatib o‘tamiz, rossiyalik tadbirkor Roman Abramovich sanksiyalar fonida London klubini sotishga qaror qilgan va bu haqda rasman e’lon qilgan edi. Potensial xaridorlar allaqachon topilgan va ular orasida Makgregor ham bu taklifdan manfaatdor ekanini aytgan.
Qayd etish kerakki, avvalroq Jon Terri Abramovich hozirgi vaziyat tufayli jamoani tark etishga majbur bo‘lishidan afsusda ekanligini bildirgandi.
