"Rasing" klubining 18 yoshli yarim himoyachisi Pablo Torre yozda jamoani tark etishi mumkin.

"Barselona" futbolchining xizmatlariga jiddiy qiziqish bildirmoqda, deb xabar beradi Marca.

Manba bergan xabarga ko‘ra, kataloniyaliklar futbolchi bilan shaxsiy shartnoma shartlarini kelishib olishgan. Ayni damda klublar o‘rtasida muzokaralar olib borilmoqda.

Yosh futbolchining shartnomasida tovon puli 10 million yevroni tashkil etadi, ammo “Barsa” ehtimoliy to‘lovni kamaytirishga harakat qilmoqda.

Qayd etilishicha, Torreni bosh murabbiy Xavi "Barselona"da ko‘rmoqchi. Transfermarkt futbolchining narxini 1 million yevroga baholamoqda. O‘yinchining klubi bilan shartnomasi 2025 yilning iyuniga qadar amal qiladi. 2021/22 yilgi mavsumda Torre Ispaniya chempionati uchinchi divizionida to‘p suradigan "Rasing" tarkibida 23 ta o‘yin o‘tkazdi. Uning hisobida oltita gol va yettita golli uzatma bor.