"Расинг" клубининг 18 ёшли ярим ҳимоячиси Пабло Торре ёзда жамоани тарк этиши мумкин.

"Барселона" футболчининг хизматларига жиддий қизиқиш билдирмоқда, деб хабар беради Marca.

Манба берган хабарга кўра, каталонияликлар футболчи билан шахсий шартнома шартларини келишиб олишган. Айни дамда клублар ўртасида музокаралар олиб борилмоқда.

Ёш футболчининг шартномасида товон пули 10 миллион еврони ташкил этади, аммо “Барса” эҳтимолий тўловни камайтиришга ҳаракат қилмоқда.

Қайд этилишича, Торрени бош мураббий Хави "Барселона"да кўрмоқчи. Transfermarkt футболчининг нархини 1 миллион еврога баҳоламоқда. Ўйинчининг клуби билан шартномаси 2025 йилнинг июнига қадар амал қилади. 2021/22 йилги мавсумда Торре Испания чемпионати учинчи дивизионида тўп сурадиган "Расинг" таркибида 23 та ўйин ўтказди. Унинг ҳисобида олтита гол ва еттита голли узатма бор.