«Manchester Yunayted» bosh murabbiyi Ralf Rangnik uning klubida jamoasida barqarorlik yetishmayotganini aytdi.

“Nafaqat "Manchester Siti"da, balki "Liverpul"da ham besh-olti yillik barqarorlik bor.

Bu jamoalarning o‘ziga xos fe’l-atvori, o‘ziga xos uslubi bor. Men Pep Gvardiolani shaxsan Germaniyadagi "Bavariya"ni boshqargan vaqtidan bilaman va u qanday o‘ynashni istayotgani haqida aniq tasavvurga ega.

Ular hamma narsa haqida aniq tasavvurga ega: tarkibni shakllantirish, yangi o‘yinchilar xarid qilish va o‘yinchilarni sotish. Bu ularning muvaffaqiyatini siri, ular qanday o‘ynashni xohlashlarini aniq bilishadi.

Shuningdek, siz buni qilayotgan har bir narsani belgilab beruvchi korporativ identifikasiya deb atashingiz mumkin. Bu Yevropadagi barcha top-klublar uchun umumiy xususiyat va "Manchester Yunayted" buni kelgusi bir necha yil ichida mustahkamlashi va yaxshilashi kerak", - dedi Rangnik Sky Sports bilan suhbatda.