«Chelsi» muxlislari Roman Abramovichni qo‘llab-quvvatlashdi.

Rossiyalik milliarder avvalroq «ko‘klar»ning yaqin orada sotilishini ma’lum qilgandi. Abramovich 2003 yildan beri London klubiga egalik qiladi.

Bugun «Chelsi» APLning 28-turida mehmonda «Byornli»ni (4:0) jamoasini mag‘lubiyatga uchratdi.

O‘yin boshlanishidan avval «Terf Mur» stadionida Ukraina bilan birdamlik aksiyasi bo‘lib o‘tdi, unda «Chelsi» muxlislari Roman Abramovich nomini aytib hayqirishdi.

“Buning uchun to‘g‘ri vaqt emas. Agar biz birdamlikni bildirsak, demak buni birgalikda qilishimiz kerak.

Biz birga tiz cho‘kamiz. Yoki, biz yoki boshqa klub uchun muhim shaxs vafot etsa, biz bir daqiqa sukut saqlaymiz. Hozir boshqa narsalarni eslash vaqti emas, balki hurmat ko‘rsatish vaqti.

Biz shunday qilamiz, chunki biz shundaymiz, biz klub sifatida hurmat ko‘rsatamiz va muxlislarimiz shu daqiqada qarsak chalishlari kerak. Biz klub sifatida birga bo‘lishimiz kerak. Hozir boshqa xabarlar vaqti emas”, - dedi londonliklar bosh murabbiyi Tomas Tuxel o‘yindan keyin.