Superliganing navbatdagi 2-turida "Qo‘qon-1912" jamoasi superliga debyutanti bo‘lgan, Toshkentning "Olimpik" jamoasini qabul qiladi.

Timur Kapadze boshchiligidagi olimpiyachilar o‘tgan turda Termizning "Surxon" jamoasi bilan 0-0 hisobida durang natijani qayd etishgan. Bundan ko‘rinib turibdiki yoshlardan iborat bo‘lgan bu jamoa ham anoyilardan emas. Shuni hisobga olgan Baxtiyor Ashurmatov boshchiligidagi qo‘qonliklar murabbiylar shtabi 2-turga futbolchilarni har tomonlama puxta tayyorlash uchun tinmay mehnat qilmoqdalar.

Futbolchilar kuniga ikki mahaldan mashg‘ulotlarda ishtirok etishyapti.
Ertaga jamoa tarkibiga yangi kelgan futbolchilarni keng jamoatchilikka tanishtirish marosimi o‘tkaziladi.

Eslatib o‘tamiz, "Qo‘qon-1912" - "Olimpik" uchrashuvi esa 9 mart kuni, soat 18:30 da, Yaypandagi "O‘zbekiston" stadionida bo‘lib o‘tadi.