"Manchester Siti" bosh murabbiyi Xosep Gvardiola "Manchester Yunayted"ga qarshi 28-tur uchrashuvi (4:1) natijasi haqida fikr bildirdi.

"Yaxshi o‘yin, ayniqsa ikkinchi bo‘lim. "Man Siti" so‘nggi yillardagi eng yuqori saviyalardan birida o‘ynadi.

Birinchi bo‘limda raqib ikkinchi bo‘limga qaraganda ko‘proq kuchga ega bo‘ldi. Ikkinchi bo‘limda ular bizga pressing qilishda qiynaldilar.

Ikkinchi bo‘limda futbolchilar individual mahorat ko‘rsatishdi, barcha futbolchilarning harakati a’lo darajada edi. O‘yinda qabul qilgan har bir qarorimiz to‘g‘ri edi, shuning uchun biz g‘alaba qozondik.

Kevin de Bryuyne o‘zining eng yaxshi holatiga qaytdi. Mavsum boshida u og‘riqli edi, lekin o‘zining eng yaxshi formasiga qaytdi. Endi u kuchli. Uning gol urganidan xursandman.

Men u bilan uning asosiy e’tiborini golli uzatmalarga qaratgani haqida gaplashdim, ammo u gol urishi kerak. Endi Kevin ko‘p gol uradi va umid qilamanki, o‘z formasini saqlab qoladi", - deya iqtibos keltiradi BBC murabbiy so‘zlaridan.