"Манчестер Сити" бош мураббийи Хосеп Гвардиола "Манчестер Юнайтед"га қарши 28-тур учрашуви (4:1) натижаси ҳақида фикр билдирди.

"Яхши ўйин, айниқса иккинчи бўлим. "Ман Сити" сўнгги йиллардаги энг юқори савиялардан бирида ўйнади.

Биринчи бўлимда рақиб иккинчи бўлимга қараганда кўпроқ кучга эга бўлди. Иккинчи бўлимда улар бизга прессинг қилишда қийналдилар.

Иккинчи бўлимда футболчилар индивидуал маҳорат кўрсатишди, барча футболчиларнинг ҳаракати аъло даражада эди. Ўйинда қабул қилган ҳар бир қароримиз тўғри эди, шунинг учун биз ғалаба қозондик.

Кевин де Брюйне ўзининг энг яхши ҳолатига қайтди. Мавсум бошида у оғриқли эди, лекин ўзининг энг яхши формасига қайтди. Энди у кучли. Унинг гол урганидан хурсандман.

Мен у билан унинг асосий эътиборини голли узатмаларга қаратгани ҳақида гаплашдим, аммо у гол уриши керак. Энди Кевин кўп гол уради ва умид қиламанки, ўз формасини сақлаб қолади", - дея иқтибос келтиради BBC мураббий сўзларидан.