“Nasaf” Superliganing 2-turida Bekobodning “Metallurg” jamoasini qabul qiladi. Ushbu bahs 9 mart kuni soat 18:30 boshlanadi. Uchrashuvdan oldin estradamizning yorqin yulduzi Shohruhhon o‘z chiqishlari bilan siz aziz muxlislarni xushnud etadi. Konsert dasturi soat 16:00 da boshlanadi.
O‘zaro uchrashuvlar tarixidan
Jamoalar O‘zbekiston chempionatida shu vaqtga qadar 48 bor kuch sinashishgan. Bo‘lib o‘tgan 30 uchrashuvda “ajdarlar”, 12 o‘yinda esa bekobodliklar zafar quchishgan. 6 uchrashuvda esa durang natija qayd etilgan.
To‘plar nisbati 79:38 ga teng. Ustunlik qarshiliklar tarafida.
O‘zaro uchrashuvlarda qayd etilgan eng yuqori hisoblar quyidagicha:
“Nasaf“ – “Metallurg” 7:0,
“Metallurg” – “Nasaf” 3:0.
Jamoalar so‘nggi o‘zaro uchrashuvni 2021 yili 15 oktyabr kuni Qarshida o‘tkazgan. Bu uchrashuvda "Nasaf" minimal 1:0 hisobida g‘alaba qozongan.
E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:
15.10.2021 Nasaf — Metallurg 1:0
23.06.2021 Metallurg — Nasaf 2:1
26.10.2020 Metallurg – Nasaf 0:2
06.07.2020 Nasaf — Metallurg 1:0
31.07.2019 Nasaf — Metallurg 1:2
