«Manchester Yunayted»ning portugaliyalik hujumchisi Krishtianu Ronaldu jamoa bilan mashg‘ulotlarga qaytdi. Bu haqda The Sun nashri xabar bermoqda.
«Qizil iblislar» «Manchester Siti»ga 1:4 hisobida imkoniyatni boy bergan bilan so‘nggi o‘yinni hujumchi o‘tkazib yubordi. Klub vakillarining tushuntirishicha, Ronaldu jarohati sabab maydonga tushmagan.
Jurnalistlar portugal futbolchisining mashinasini klubning Karringtondagi mashg‘ulot bazasida ko‘rib qolishgan.
Qayd etilishicha, Ronalduning «Manchester Yunayted»dagi kelajagi so‘roq ostida, chunki futbolchi jamoani tark etishi mumkin.
Agar «qizil iblislar» mavsum yakunida Chempionlar ligasiga yo‘llanmani qo‘lga kirita olmasa, Ronaldu o‘ziga yangi klub izlaydi.
