«Tottenxem», «Arsenal», «Sevilya» va «Atletiko Madrid» klublari «Barselona» himoyachisi Klemen Lengleni o‘z safiga qo‘shib olishga tayyor.

«Chelsi»ning ikki futbolchisi Andreas Kristensen va Sesar Aspilikueta yozda «ko‘k-anorranglilar» safiga qo‘shilishi mumkin, bu esa Kataloniya klubi murabbiylar shtabining rejalariga kirmaydigan boshqa himoyachilar bilan xayrlashishga majbur qiladi.

Fichajes nashri so‘zlariga ko‘ra, ulardan biri 26 yoshli Klemen Lengle bo‘lishi mumkin. Manba bergan xabarga ko‘ra, fransiyalik futbolchining xizmatlariga Angliyaning «Arsenal» va «Tottenxem», shuningdek, Ispaniyaning «Atletiko» va «Sevilya» qiziqish bildirgan.

Lenglening «Barselona» bilan shartnomasi 2026 yilgacha mo‘ljallangan. U joriy mavsumda 16 ta o‘yinda maydonga tushdi.