Yurgen Klopp «Liverpul»ning Chempionlar ligasida 1/8 final javob uchrashuvida «Inter» (0:1) jamoasidan uchralgan mag‘lubiyatdan keyingi fikrlari bilan o‘rtoqlashdi.

“Bizda yuzaga kelgan muammolarni kutayotgan edim. «Inter» juda yaxshi va bunday uchrashuvlarda o‘ynashga tayyor. Eng yaxshi o‘yin ko‘rsata olmaganimizga qaramay, bizda aniq vaziyatlar bo‘ldi. Ikkala o‘yinni ham hisobga olsak, meni xursand qilgan jihat shuki, biz keyingi bosqichga yo‘l oldik. Biz uchun yaratilgan noqulayliklarga qaramay, yaxshiroq o‘ynashga harakat qildik.

O‘yin haqiqatan ham qiziqarli bo‘ldi. Oqibatda mag‘lub bo‘ldik. Xursand qilmayotgan tomoni shundaki, o‘z maydonimizda mag‘lubiyatga uchrash uchun maydonga tushmagandik.

Raqib muammolar yaratdi, ammo imkoniyatlarimizdan foydalanganimizda g‘alaba qozongan bo‘lardik. Ko‘pincha oddiy vaziyatlarda to‘pni yo‘qotib qo‘ydik, gohida shunday bo‘ladi. To‘p havoga ko‘tarilganda shamol tufayli haqiqiy komediya boshlandi.

Qarshi pressing yetarlicha yaxshi bo‘lmadi, biz to‘p uchun kurashlarda ko‘proq yutqazdik va kerakli tezlikni ololmadik. Bizga aynan mana shu narsa etishmadi”, dedi «Liverpul» bosh murabbiyi BT Sport bilan suhbatda.