Angliya nashrlarining xabar berishicha, Krishtianu Ronaldu seshanba kuni mashg‘ulotlarda qatnashmagan. Futbolchi juda kech bazaga yetib kelgan. Shu sabab futbolchi «qizil iblislar»ning navbatdagi uchrashuvlarini o‘tkazib yuborishi mumkin.
Ma’lum bo‘lishicha, portugal futbolchisi oyog‘idan jarohat olgan, ammo bu qanchalik xavfli ekanligi ochiqlanmagan. Shuningdek, ayni paytda Ronaldu atrofida keskinlik kuchaymoqda. Avvalroq futbolchi derbi oldidan jamoa bazasini erta tark etib, Portugaliyaga uchib ketgan.
Shu sabab Krishtianu shanba kungi «Tottenxem»ga qarshi APL doirasidagi o‘yin, hamda bir haftadan keyin bo‘ladigan Chempionlar ligasi 1/8 final uchrashuvi doirasidagi «Atletiko»ga qarshi o‘yinda maydonga tushmasligi taxmin qilinmoqda.
