Англия нашрларининг хабар беришича, Криштиану Роналду сешанба куни машғулотларда қатнашмаган. Футболчи жуда кеч базага етиб келган. Шу сабаб футболчи «қизил иблислар»нинг навбатдаги учрашувларини ўтказиб юбориши мумкин.
Маълум бўлишича, португал футболчиси оёғидан жароҳат олган, аммо бу қанчалик хавфли эканлиги очиқланмаган. Шунингдек, айни пайтда Роналду атрофида кескинлик кучаймоқда. Аввалроқ футболчи дерби олдидан жамоа базасини эрта тарк этиб, Португалияга учиб кетган.
Шу сабаб Криштиану шанба кунги «Тоттенхэм»га қарши АПЛ доирасидаги ўйин, ҳамда бир ҳафтадан кейин бўладиган Чемпионлар лигаси 1/8 финал учрашуви доирасидаги «Атлетико»га қарши ўйинда майдонга тушмаслиги тахмин қилинмоқда.
