"Atalanta" yarim himoyachisi Martin de Ron Ukrainadagi vaziyat jamoadagi muhitga qanday ta’sir qilishi haqida gapirdi. Unga ko‘ra, futbolchilarga oson emas.

Jamoa tarkibida ukrainalik Ruslan Malinovskiy va rossiyalik Aleksey Miranchuk bor.

De Ron o‘yinchilarning o‘zi uchun gapira olmasligini, ammo ular ma’lum qiyinchiliklarni boshdan kechirishayotganini aytdi. Kiyim almashtirish xonasidagi futbolchilar oilasi Ukrainada bo‘lgan Malinovskiyga qandaydir yordam berishga harakat qilishmoqda.

Yarim himoyachi, shuningdek, Malinovskiy hozirgi vaziyatga qaramay, o‘z saviyasidagi o‘yinni davom ettira olishiga umid bildirdi.