"Аталанта" ярим ҳимоячиси Мартин де Рон Украинадаги вазият жамоадаги муҳитга қандай таъсир қилиши ҳақида гапирди. Унга кўра, футболчиларга осон эмас.
Жамоа таркибида украиналик Руслан Малиновский ва россиялик Алексей Миранчук бор.
Де Рон ўйинчиларнинг ўзи учун гапира олмаслигини, аммо улар маълум қийинчиликларни бошдан кечиришаётганини айтди. Кийим алмаштириш хонасидаги футболчилар оиласи Украинада бўлган Малиновскийга қандайдир ёрдам беришга ҳаракат қилишмоқда.
Ярим ҳимоячи, шунингдек, Малиновский ҳозирги вазиятга қарамай, ўз савиясидаги ўйинни давом эттира олишига умид билдирди.
