Chempionlar ligasi 1/8 finalining javob uchrashuvi oldidan «PSJ» sardori Markinyos argentinalik superyulduz Lionel Messi va uning o‘yin natijasiga ta’sir o‘tkazish qobiliyatini yuqori baholadi.

«Uni maydonda ko‘p ko‘rmasligingiz mumkin, ammo u to‘pga egalik qila boshlasa, raqibga qiyinchilik tug‘dirishi aniq. Messi o‘yin natijasiga ta’sir o‘tkaza oluvchi va chiroyli uzatmalar bera oladigan futbolchi. U daho», - deydi Markins.

Messi joriy mavsumda Fransiya klubi safida 2 ta gol va 10 ta golli uzatmani amalga oshirdi.

Bugun Madridda «PSJ» 1/8 final javob uchrashuvida «Real»ga qarshi maydonga tushadi. Dastlabki o‘yinda parijliklar 1:0 hisobida zafar quchgandi.