Чемпионлар лигаси 1/8 финалининг жавоб учрашуви олдидан «ПСЖ» сардори Маркиньос аргентиналик суперюлдуз Лионель Месси ва унинг ўйин натижасига таъсир ўтказиш қобилиятини юқори баҳолади.
«Уни майдонда кўп кўрмаслигингиз мумкин, аммо у тўпга эгалик қила бошласа, рақибга қийинчилик туғдириши аниқ. Месси ўйин натижасига таъсир ўтказа олувчи ва чиройли узатмалар бера оладиган футболчи. У даҳо», - дейди Маркиньс.
Месси жорий мавсумда Франция клуби сафида 2 та гол ва 10 та голли узатмани амалга оширди.
Бугун Мадридда «ПСЖ» 1/8 финал жавоб учрашувида «Реал»га қарши майдонга тушади. Дастлабки ўйинда парижликлар 1:0 ҳисобида зафар қучганди.
