«Milan» vingeri Rafael Leauga «Barselona» qiziqish bildirmoqda.

22 yoshli portugaliyalik uzoq vaqtdan beri «ko‘k-anorranglilar» qiziqishlari doirasida bo‘lib kelmoqda va uning joriy mavsumda «Milan»dagi o‘yini Kataloniya klubini hayratga solmoqda. Sport nashri  xabariga ko‘ra, futbolchining agenti Xorxe Mendeshning «Barselona» bilan yaxshi munosabatda bo‘lgani ham transferning amalga oshishida katta rol o‘ynashi mumkin.

«Milan» ham o‘z navbatida yosh hujumchi bilan xayrlashmoqchi emas. Yaqin orada unga yangi shartnoma taklif qilinadi.

Rafael Leau joriy mavsum «rossonerilar» safida barcha turnirlarda 31 ta o‘yinda maydonga tushib, 11 ta gol va 6 ta golli uzatmaga mualliflik qilgan. Transfermarkt ma’lumotlariga ko‘ra, uning transfer qiymati 35 million evroni tashkil qiladi.