«Милан» вингери Рафаэль Леауга «Барселона» қизиқиш билдирмоқда.
22 ёшли португалиялик узоқ вақтдан бери «кўк-анорранглилар» қизиқишлари доирасида бўлиб келмоқда ва унинг жорий мавсумда «Милан»даги ўйини Каталония клубини ҳайратга солмоқда. Sport нашри хабарига кўра, футболчининг агенти Хорхе Мендешнинг «Барселона» билан яхши муносабатда бўлгани ҳам трансфернинг амалга ошишида катта роль ўйнаши мумкин.
«Милан» ҳам ўз навбатида ёш ҳужумчи билан хайрлашмоқчи эмас. Яқин орада унга янги шартнома таклиф қилинади.
Рафаэль Леау жорий мавсум «россонерилар» сафида барча турнирларда 31 та ўйинда майдонга тушиб, 11 та гол ва 6 та голли узатмага муаллифлик қилган. Трансфермаркт маълумотларига кўра, унинг трансфер қиймати 35 миллион эврони ташкил қилади.