«Manchester Siti»ning sobiq himoyachisi Mayk Richard Kilian Mbappeni «Real»ga o‘tishi masalasini qayta ko‘rib chiqishga chaqirmoqda.

Parijlik yulduz hujumchisi o‘tgan yozda «Real Madrid»ga o‘tishi kerak edi. Ammo bu ma’lum sabablarga ko‘ra amalga oshmadi. Kutilganidek, joriy mavsum yakunida fransuz «qaymoqrangli» safiga o‘tishi mumkin.

«U «Real»ga o‘tishi kerak deb o‘ylamayman. Balki hamma narsa hal qilib bo‘lingandir, lekin uning o‘rnida men «Manchester Siti» yoki «Liverpul»da o‘ynashni afzal ko‘rardim. Bu jamoalar so‘nggi yillarda doimiy ravishda Yevropaning eng yaxshisi klubi maqomini o‘zida saqlab kelishmoqda. Ha, «Siti» hali Chempionlar ligasini zabt eta olmadi, ammo ular natijalarga erishmoqda va ajoyib o‘yin ko‘rsatmoqda», - dedi sobiq ingliz futbolchisi CBS Sports telekanaliga bergan intervyusida.

Eslatib o‘tamiz, 23 yoshli Kilian Mbappening «PSJ» bilan shartnomasi yozda tugaydi.