«Манчестер Сити»нинг собиқ ҳимоячиси Майк Ричард Килиан Мбаппени «Реал»га ўтиши масаласини қайта кўриб чиқишга чақирмоқда.

Парижлик юлдуз ҳужумчиси ўтган ёзда «Реал Мадрид»га ўтиши керак эди. Аммо бу маълум сабабларга кўра амалга ошмади. Кутилганидек, жорий мавсум якунида француз «қаймоқрангли» сафига ўтиши мумкин.

«У «Реал»га ўтиши керак деб ўйламайман. Балки ҳамма нарса ҳал қилиб бўлингандир, лекин унинг ўрнида мен «Манчестер Сити» ёки «Ливерпул»да ўйнашни афзал кўрардим. Бу жамоалар сўнгги йилларда доимий равишда Европанинг энг яхшиси клуби мақомини ўзида сақлаб келишмоқда. Ҳа, «Сити» ҳали Чемпионлар лигасини забт эта олмади, аммо улар натижаларга эришмоқда ва ажойиб ўйин кўрсатмоқда», - деди собиқ инглиз футболчиси CBS Sports телеканалига берган интервьюсида.

Эслатиб ўтамиз, 23 ёшли Килиан Мбаппенинг «ПСЖ» билан шартномаси ёзда тугайди.