Londonning «Arsenal» klubi etiborini «Everton» hujumchisi Risharlisonga qaratdi, deb xabar beradi Planet Sport.
Futbolchi jamoadoshi Dominik Kalvert-Lyuin bilan birga «kanonirlar» hujum chizig‘ini kuchaytiradigan nomzod futbolchilar ro‘yxatidan joy olgan.
24 yoshli braziliyalik bu mavsumda eng yaxshi formada emas. Risharlisonning hisobida bor-yo‘g‘i to‘rtta gol bor, Frenk Lempard shogirdlari esa Premyer-liga turnir jadvalida 17-o‘rinni egallab turibdi.
Ehtimoliy transfer haqida «Arsenal»ning sobiq himoyachisi Martin Kioun fikr bildirdi.
«U haqiqatan ham eng buyuk iste’dod egasi. Risharlison doimo harakatda va to‘xtab qolmaydi», - dedi Kioun britaniyalik jurnalistlarga.
