Лондоннинг «Арсенал» клуби этиборини «Эвертон» ҳужумчиси Ришарлисонга қаратди, деб хабар беради Planet Sport.
Футболчи жамоадоши Доминик Калверт-Льюин билан бирга «канонирлар» ҳужум чизиғини кучайтирадиган номзод футболчилар рўйхатидан жой олган.
24 ёшли бразилиялик бу мавсумда энг яхши формада эмас. Ришарлисоннинг ҳисобида бор-йўғи тўртта гол бор, Фрэнк Лэмпард шогирдлари эса Премьер-лига турнир жадвалида 17-ўринни эгаллаб турибди.
Эҳтимолий трансфер ҳақида «Арсенал»нинг собиқ ҳимоячиси Мартин Киоун фикр билдирди.
«У ҳақиқатан ҳам энг буюк истеъдод эгаси. Ришарлисон доимо ҳаракатда ва тўхтаб қолмайди», - деди Киоун британиялик журналистларга.
