Karlo Anchelotti «Real» prezidentiga jamoa Chempionlar ligasining chorak finaliga chiqishga va’da bergan ekan.
8 mart, seshanba kuni Florentino Peres 75 yoshga to‘ldi. Anchelotti uni tabriklar ekan: «Men sizga chorak finalga yo‘llanma beradigan g‘alabani sovg‘a qilaiz, janob prezident» - degan.
O‘yindan so‘ng Peres «Real»ning kiyinish xonasiga tashrif buyurdi va u yerda har bir futbolchini g‘alaba bilan tabrikladi. AVS nashrining xabariga ko‘ra, "Qirollik klubi" prezidenti bundan juda xursand bo‘lgan.
Qayd etilishicha, «Real»ning kiyinish xonasida «PSJ» ustidan qozonilgan g‘alaba juda shiddatli nishonlangan. «Biz juda ko‘p sovrinlarni qo‘lga kiritdik, ammo "PSJ"ga qarshi o‘yindan keyingi bayram - Chempionlar ligasidagi g‘alabani nishonlashga o‘xshaydi», dedi «Real»ning kiyinish xonasidagi manba.
