Britaniyaning mashhur The Sun gazetasi "Chelsi" joriy mavsum oxirida bankrot bo‘lishi mumkinligi haqida xabar berdi. Bu "ko‘klar"ning amaldagi xo‘jayini rossiyalik Roman Abramovich 31 maygacha klubni sotishga ulgurmasa sodir bo‘ladi.
May oyi oxirida klubning o‘ynashiga ruxsat beruvchi lisenziya muddati tugaydi. Agar bu vaqtga kelib klub yangi xo‘jayinga ega bo‘lmagan bo‘lsa, unda bu holda u ishlaydigan tuzilma sifatida omon qolishi kafolatlanmaydi.
Eslatib o‘tamiz, Roman Abramovich 2003 yilda "Chelsi"ni sotib olib, bankrot bo‘lish arafasida turgan klubni jahon futbolining yirik grandiga aylantirgan edi. Endilikda rossiyalik tadbirkor Britaniya hukumati sanksiyalari ostida qoldi va klub uchun xaridorlar izlashga majbur.
