«Manchester Siti» himoyachisi Benjamen Mendi ustidan sud jarayoni iyul oyi oxirida boshlanadi.
Eslatib o‘tamiz, dastlab Mendi o‘tgan yilning avgust oyida hibsga olingan va Benjamin yanvar oyida sud qilinishi rejalashtirilgan edi.
O‘shandan beri bir necha bor yangi holatlar aniqlangan, natijada futbolchiga qo‘yilgan ayblovlar keskinlashgan.
Bugungi kunga kelib, Mendi to‘qqizta ayblovga duch keldi, jumladan, oltita ayolga nisbatan yetti marta zo‘rlash aybi qo‘yilgan.
Juma kuni bir necha oylik qamoqdan so‘ng uy qamog‘iga olingan 27 yoshli fransuz Chesterdagi Qirollik sudiga tashrif buyurdi va unga nisbatan ishning boshlanish sanasi belgilandi.
Daily Mirror nashrining yozishicha, asosiy sud jarayoni 25 iyulda boshlanadi va olti haftagacha davom etadi. May oyida Mendi ham dastlabki tergovlarda qatnashishi kerak.