«Манчестер Сити» ҳимоячиси Бенжамен Менди устидан суд жараёни июль ойи охирида бошланади.
Эслатиб ўтамиз, дастлаб Менди ўтган йилнинг август ойида ҳибсга олинган ва Бенжамин январь ойида суд қилиниши режалаштирилган эди.
Ўшандан бери бир неча бор янги ҳолатлар аниқланган, натижада футболчига қўйилган айбловлар кескинлашган.
Бугунги кунга келиб, Менди тўққизта айбловга дуч келди, жумладан, олтита аёлга нисбатан етти марта зўрлаш айби қўйилган.
Жума куни бир неча ойлик қамоқдан сўнг уй қамоғига олинган 27 ёшли француз Честердаги Қироллик судига ташриф буюрди ва унга нисбатан ишнинг бошланиш санаси белгиланди.
Daily Mirror нашрининг ёзишича, асосий суд жараёни 25 июлда бошланади ва олти ҳафтагача давом этади. Май ойида Менди ҳам дастлабки терговларда қатнашиши керак.
