Superliga 2-turi doirasidagi «So‘g‘diyona» - «Dinamo» uchrashuvidan (1:0) keyin dastlab jamoamiz bosh murabbiyi Predrag Rogan fikrlarini bildirdi.

«So‘g‘diyona» jamoasini g‘alaba bilan tabriklayman. Futbolchilarim ham g‘alaba uchun kurashishdi. Bizda ham ikkinchi bo‘limda golli vaziyatlar bo‘ldi. Ammo «Paxtakor»ga qarshi o‘yindagidek biz vaziyatlardan foydalana olmadik, raqib esa o‘z vaziyatini golga aylantirib ketdi. O‘yin oxirida ham hisobni tenglashtirish imkoniyatiga ega edik, ammo hujumni golga bilan yakunlay olmadik.

Jamoa o‘z o‘yinini topib olish uchun qancha vaqt talab etiladi? Klub Pro ligadan Superligaga chiqdi, moslashish jarayoni, o‘zaro tushunish uchun ham biroz vaqt kerak. Biz har kuni mashg‘ulotlarda ishlab, o‘sishda davom etayapmiz. Ertaga yangi kun, mag‘lubiyatni tezroq unutib, ishlashda va Superligada tezroq o‘zimizga kelishga bor kuchimizni sarflaymiz.

Taqvimga ko‘ra, dastlabki ikki turda amaldagi chempion «Paxtakor» va 2-o‘rin sohibi «So‘g‘diyona»ga qarshi maydonga tushdik. Bu o‘yinlarda kichik farqli mag‘lubiyatga qaramay, Superliganing istalgan jamoasiga qarshilik ko‘rsata olishimizni namoyish eta oldik.

Superliga darajasi? Chempionat saviyasi juda yaxshi. Turnirdagi o‘yinlarni kuzatib aytish mumkinki, jamoalarda saviyali futbolchilar, iqtidorlar yetarlicha topiladi.