Roman Abramovichga qo‘llanilgan sanksiyalar "Chelsi"ni bankrot qilishi mumkin. Bu haqida The Telegraph nashri xabar berdi.
Manbaga ko‘ra, klub Buyuk Britaniya hukumatini sanksiyalar tufayli mavsumni yakunlay olmasligidan ogohlantirgan.
Shuningdek, London jamoasi hozirda xodimlarining xizmatlari uchun yetarli miqdordagi haq to‘lashga qodir emasligi, bu esa "Stemford Brij"dagi bir qator sektorlarni yopilishiga olib kelishi ma’lum qilingan.
Jamoaning fikricha, agar sanksiyalar olib tashlanmasa, ular mavsumni yakunlay olishmaydi. Londonliklar yaqin orada cheklovlar qayta ko‘rib chiqilishiga umid qilishmoqda.
