Роман Абрамовичга қўлланилган санкциялар "Челси"ни банкрот қилиши мумкин. Бу ҳақида The Telegraph нашри хабар берди.

Манбага кўра, клуб Буюк Британия ҳукуматини санкциялар туфайли мавсумни якунлай олмаслигидан огоҳлантирган.

Шунингдек, Лондон жамоаси ҳозирда ходимларининг хизматлари учун етарли миқдордаги ҳақ тўлашга қодир эмаслиги, бу эса "Стэмфорд Бриж"даги бир қатор секторларни ёпилишига олиб келиши маълум қилинган.

Жамоанинг фикрича, агар санкциялар олиб ташланмаса, улар мавсумни якунлай олишмайди. Лондонликлар яқин орада чекловлар қайта кўриб чиқилишига умид қилишмоқда.