Eron davlati poytaxti Tehron shahrida Osiyo ta'kvondo federasiyasi prezidenti kubogi musobaqasi davom etmoqda. Unda kecha oqshom 5 nafar ta'kvondochimiz dayanga chiqishdi.
Jumladan, 63 kg vazn toifasida terma jamoamiz a’zosi Niyaz Po‘latov finalda eronlik Zaid Alxalvaniga imkoniyatni boy berdi va kumush medalga sazovor bo‘ldi.
74 kg vazn toifasidagi vakilimiz Jasur Jaysunov yarim finalda eronlik Mirxashem Hussayniga imkoniyatni boy berdi va bronza medali sohibi bo‘ldi.
87 kg vazn toifasida eng tajribali sportchimiz Nikita Rafalovich yarim finalda ozarbayjonlik Talex Sulaymanovga imkoniyatni boy berdi va u ham bronza medalini qo‘lga kiritdi.
Bundan tashqari, 54 kg vazn toifasida Omonjon Otajonov va Jahongir Xudoyberdiyevlar chorak finalga qadar yetib borishdi.
