Эрон давлати пойтахти Теҳрон шаҳрида Осиё та'квондо федерацияси президенти кубоги мусобақаси давом этмоқда. Унда кеча оқшом 5 нафар та'квондочимиз даянга чиқишди.
Жумладан, 63 кг вазн тоифасида терма жамоамиз аъзоси Нияз Пўлатов финалда эронлик Заид Алхалванига имкониятни бой берди ва кумуш медалга сазовор бўлди.
74 кг вазн тоифасидаги вакилимиз Жасур Жайсунов ярим финалда эронлик Мирхашем Ҳуссайнига имкониятни бой берди ва бронза медали соҳиби бўлди.
87 кг вазн тоифасида энг тажрибали спортчимиз Никита Рафалович ярим финалда озарбайжонлик Талех Сулаймановга имкониятни бой берди ва у ҳам бронза медалини қўлга киритди.
Бундан ташқари, 54 кг вазн тоифасида Омонжон Отажонов ва Жаҳонгир Худойбердиевлар чорак финалга қадар етиб боришди.
