Nima bo‘ldi o‘zi, deysizmi? Kuni kecha “AGMK” bilan kechgan bahsda Sanjar Qodirqulovning goli “chaqaloq tug‘ilganini nishonlash”ga ulanib ketdi. O‘yindan so‘ng tashabbuskor shovvoz – legionerimiz Jerom ekani ma’lum bo‘ldi.

“Bolali bo‘pti-yu, bilmay qolibmiz”, –  deb hijolat chekkan futbolchilar uni tabriklash uchun bugun mashg‘ulotdan oldin saf tortishdi. Og‘zi qulog‘ida Jerom tabriklarni qabul qilayotib, “otini nima qo‘yding?” – degan savolga ko‘zlarini katta-katta qilib: “Hali tug‘ilishiga 4 oy bor, homilador xotinimni xursand qilmoqchi edim”, desa bo‘ladimi... Buyog‘i nima bo‘lgani-yu, qanday so‘zlar yangraganini anglab olavering...

Abror Pirriyev
"Lokomotiv" klubi shifokori