"Yuventus" sardori va himoyachisi Jorjio Kyellini "Manchester Yunayted" yarim himoyachisi, avvalroq Turin klubida to‘p surgan Pol Pogba haqida o‘z fikrlari bilan o‘rtoqlashdi.
"Pogba - futboldagi Lebron Jeyms. Darhaqiqat, uning o‘sishini ko‘rish ajoyibdir. Mashg‘ulotning birinchi haftasida uning ishini ko‘rganimda: “Nima? U odam emas!" deb aytgandim.
U boshqalardan farq qiladi. Pogba "Manchester Yunayted"ga qaytganidan beri o‘zini eng yaxshi ko‘rsata olmagani achinarli", - deya Kyellinining so‘zlaridan iqtibos keltiradi Times.