«Yuventus» bosh murabbiyi Massimiliano Allegri «Sampdoriya» bilan o‘yindan so‘ng Moyse Kin haqida iliq fikrlarni bildirdi, biroq u hali o‘rganishi kerak bo‘lgan ko‘p narsa borligini ta’kidladi.
“Kin yaxshi harakat qildi, u penalti ishladi. U jamoa uchun muhim futbolchi. Tabiiyki, u yosh va hali ham yaxshilanishi kerak», - dedi Allegri Football Italia bilan suhbatda.
«Yuventus» A Seriya doirasida «Sampdoriya» ustidan 3:1 hisobida g‘alaba qozondi. 22 yoshli futbolchi o‘yinni asosiy tarkibda boshladi.
Avvalroq, yozda «Yuventus» hujumchi bilan xayrlashishga tayyorligi haqida ma’lumotlar paydo bo‘lgandi.
