"Ayaks" himoyachisi Nusser Mazraui Kataloniya klubi foydasiga tanlov qildi.

24 yoshli futbolchi shartnomasi muddati tugashi munosabati bilan Amsterdamning "Ayaks" klubini tark etadi. Sport xabariga ko‘ra, marokashlik boshqa barcha takliflarni rad etib, "Barselona"ni tanlashga qaror qilgan. Futbolchiga shuningdek, "Milan', "Bavariya", "Borussiya Dortmund" va "Arsenal" klublari ham qiziqish bildirishgan.

O‘ng qanot himoyachisining kataloniyaliklar bilan shartnomasi 3-4 yilga mo‘ljallangan bo‘lib, maoshi, avval xabar qilinganidek, mavsum uchun taxminan 5 million yevroni tashkil qiladi. Shartnomani yopish uchun tomonlar faqat bir nechta tafsilotlarni hal qilishlari kerak.

Joriy mavsumda Nusser Mazraui "Ayaks" safida 29 ta o‘yinda maydonga tushib, 5 ta gol va 4 ta golli uzatmani amalga oshirdi.