"Аякс" ҳимоячиси Нуссер Мазрауи Каталония клуби фойдасига танлов қилди.

24 ёшли футболчи шартномаси муддати тугаши муносабати билан Амстердамнинг "Аякс" клубини тарк этади. Sport хабарига кўра, марокашлик бошқа барча таклифларни рад этиб, "Барселона"ни танлашга қарор қилган. Футболчига шунингдек, "Милан', "Бавария", "Боруссия Дортмунд" ва "Арсенал" клублари ҳам қизиқиш билдиришган.

Ўнг қанот ҳимоячисининг каталонияликлар билан шартномаси 3-4 йилга мўлжалланган бўлиб, маоши, аввал хабар қилинганидек, мавсум учун тахминан 5 миллион еврони ташкил қилади. Шартномани ёпиш учун томонлар фақат бир нечта тафсилотларни ҳал қилишлари керак.

Жорий мавсумда Нуссер Мазрауи "Аякс" сафида 29 та ўйинда майдонга тушиб, 5 та гол ва 4 та голли узатмани амалга оширди.