Daily Maily xabariga ko‘ra, 200 ga yaqin odam "Chelsi"ni sotib olishga qiziqish bildirmoqda.

Manbaga ko‘ra, manfaatdor tomonlar 18 martgacha barcha investorlar bo‘yicha hisobot taqdim etishi kerak.

Shuningdek, 18 martgacha klubni sotib olish bo‘yicha taklif bilan chiqish istagini bildirganlar o‘z sabablarini tushuntirishlari va klubni yanada rivojlantirish bo‘yicha o‘z rejalarini bayon etishlari kerak.

Qayd etilishicha, xaridor tanlashda uning "Chelsi" xodimlari uchun ish o‘rinlarini saqlab qolishi muhim jihat bo‘ladi.

Eslatib o‘tamiz, 26 fevral kuni Abramovich klub boshqaruvini "Chelsi" xayriya jamg‘armasi vasiylariga topshirgan edi. 2 mart kuni esa u klubni sotish niyatida ekanligini malum qildi.

Rossiyalik tadbirkor “aristokratlar”ni sotishdan 4 milliard funt sterling (4,84 milliard yevro) olishni ko‘zlagan.