«Manchester Siti» va «Liverpul» jamoalari o‘rtasidagi ochkolar farqi to‘rttaga qisqardi.
APLning 29-turida «Liverpul» «Brayton» (2:0) jamoasini mag‘lubiyatga uchratgan bo‘lsa, «Manchester Siti» «Kristal Pelas» (0:0) qarshiligini sindira olmadi.
Shu tariqa, «Manchester Siti» APL turnir jadvalida 29 ta o‘yindan keyin 70 ochko jamg‘arib peshqadamlik qilmoqda. «Liverpul» esa 28 ta uchrashuvda 66 ochko jamg‘argan va ikkinchi pog‘onani band etib turibdi.
"Shaharliklar" APLning navbatdagi turini 2 aprel kuni «Byornli» jamoasiga qarshi o‘tkazadi. Klopp jamoasi esa 16 mart kuni «Arsenal» bilan bellashadi.
