Amman shahrida boks bo‘yicha o‘smirlar va yoshlar o‘rtasida Osiyo chempionati yakunlandi.
Yoshlar o‘rtasidagi qit’a chempionati yakuniga ko‘ra ham O‘zbekiston terma jamoasi medallar sifati bo‘yicha ham, soni bo‘yicha ham umumjamoa hisobida birinchi o‘rinni egalladi — 9ta oltin, 10ta kumush va 4ta bronza. Jami — 23ta medal.
Ikkinchi o‘rinni Qozog‘iston (7-8-22), uchinchi o‘rinni esa Hindiston (7-3-8) terma jamoalari band etishdi.
O‘smirlar va yoshlar o‘rtasidagi musobaqani qo‘shib hisoblaganda ham O‘zbekiston 1-o‘rinni band etdi. Musobaqaga tashrif buyurgan 51 nafar sportchimizdan 43 nafari turnirda medalni qo‘lga kiritishdi — 20 ta oltin, 16 ta kumush va 7 ta bronza. Bu borada ikkinchi o‘rin Hindistonga nasib etdi — 15 ta oltin, 10 ta kumush va 18ta bronza. Qozog‘iston kuchli uchlikka kirdi — 13 ta oltin, 14 ta kumush va 17 ta bronza.
